بارش ہو گی یا نہیں؟ آئندہ چوبیس گھنٹوں کے درمیان موسم کیسا رہے گا؟ پیشنگوئی کر دی گئی

rain in paksitan

محکمہ موسمیات کا کہنا ہے کہ منگل کے روز ملک کے بیشتر علاقوں میں موسم خشک اور سرد رہے گا۔پنجاب کے میدانی علاقوں میں صبح اوررات کے اوقات میں سموگ اور دھند چھائے رہنے کی توقع ہے ۔محکمہ موسمیات کے مطابق گزشتہ 24 گھنٹے کے دوران ملک

کے بیشتر علاقوں میں موسم سرد اور خشک رہا تاہم کشمیر، بالائی خیبرپختونخوااور گلگت بلتستان میں بارش ہوئی۔سب سے زیادہ بارش راولاکوٹ میں 15 ملی میٹر ریکارڈ کی گئی۔ اس کے علاوہ بالاکوٹ میں12، دیربالا11، دیر زیریں 04، مالم جبہ 06، دروش 05، میرکھانی 03، چترال 02، گوپس اور استور 02 اور بگروٹ میں ایک ملی میٹر بارش ریکارڈ کی گئی۔منگل کے روز وفاقی دارالحکومت اسلام آباد ، پنجاب، سندھ ، خیبر پختونخوا، بلوچستان میں موسم سرد اور خشک رہے

گا ۔ پنجاب اور سندھ کے میدانی علاقوں میں سموگ اور دھند چھائی رہے گی۔ اس کے علاوہ کشمیر، گلگت بلتستان اور خیبر پختونخوا کے بالائی علاقوں میں مطلع جزوی ابر آلود رہنے کا امکان ہے۔آج سب سے زیادہ سردی لہہ اور زیارت میں پڑی جہاں درجہ حرارت منفی10 ڈگری سینٹی گریڈ ریکارڈ کیا گیا۔ قلات میں درجہ حرارت منفی پانچ ، گوپس منفی چار ،کا لام ،کوئٹہ،استور، سکردو منفی تین ، ہنزہ منفی دو ،دروش،پاراچنار، راولاکوٹ میں منفی ایک ڈگری سینٹی گریڈ ریکارڈ کیا گیا۔

Leave a Comment